Auhjodjus Þahainais

Hails, riqis, alþeis frijonds meins.  
Qam aftra rodjan miþ þus,  
siuns auk sliupandei hnasquba  
bilaiþ þan saislep sedins seinos.  
Jah siuns so ïnn huga meinamma  
miþsatida was, und hita ïst  
ïn auhjodau þamma þahainais.

Ïn draumam rimislausaim ƕarb  
sundro. Gatwons aggwjos staine  
uf glitmunjai lukarnis.  
Halsafanan wiþra frius qrammiþuh afwandida  
biþe augona meina stikana wesun fram braƕa þamma niujaliuhadis  
þatei naht diskaiþ  
taitokuh auhjodau þamma þahainais.

Þanuh ïn liuhada þamma naqadin saƕ  
taihun þusundjos manne aufto managizans.  
Mans rodjand ïnu rodein.  
Mans hausjand ïnu hausein.  
Mans meljand saggwins þanzei ni aiw stibnos miþdailidedun.  
Jah ni ainshun sokida  
usþriutan auhjodau þamma þahainais.

Qaþ: Unwitans, ni wituþ jus  
þahains galeiko gunda aukiþ.  
Hauseiþ waurda meina ei laisjau ïzwis!  
Nimiþ armins meinans ei nimau ïzwis!  
Ïþ waurda meina drusun galeiko rigna dumba  
jah galeikodedun sik  
ïn brunnam þaim þahainais.

Þanuh þiuda hniwun bedunuh  
du niujaguda þatei namnidedun.  
Jah bandwa ƕota seina gataih  
bi waurda þo si skop.  
Qaþuh bandwa: waurda þo ana waddjum ufwigis writanona sind  
jah huznis sala.  
Jah birodidedun auhjodjuns þans þahainais.